Meánscoil San Nioclás

Junk Kouture

12-Márta-18
Junk Kouture

Tá ríméad orainn i mbliana go mbeidh foireann ón Meánscoil Go Deo na nDeor sa chraobh náisiúnta den chomórtas faisin athchúrsáilte Junk Kouture. Tá triúr daltaí Idirbhliana ar an bhfoireann Aisling Ní Cheallaigh, Laoise Nic Íomhair agus MacKenzie Ní Dhubhghaill. Ag caint dóibh ar a saothar, seo a bhí le rá ag na mná óga cruthaitheacha seo:

“Spreag seanchuirtíní ár seanmháithreacha an dearadh seo. Bhaineamar úsáid as seanchuirtíní agus d’eascair ár dtuairim ón smaoineamh go mbeimis ag féachaint isteach ón taobh amuigh agus ag féachaint amach trí chuirtíní scagtha. D’eascair coincheapanna an teaghlaigh agus an traidisúin as sin agus bhíomar meallta ag an tuairim go nascfaí teaghlaigh agus póstaí. Dheineamar go leor machnaimh faoi thraidisiúin a bhaineann le pósadh agus rith an nath cainte: 'Something old, something new, something borrowed, something blue' linn. Bhaineamar úsáid as an nath sin mar ionspioráid-bhain na seanchuirtíní athchúrsáilte leis an ‘seanrud’ agus an gúna nuachruthaithe ansin mar an rud ‘nua’. Priontáladh seanghriafanna ar an sciorta ag seasamh do chuimhní cinn a fuarthas ar iasacht agus feictear coincheap de rud gorm ar fud an ghúna.

Cé gur fhéachamar ar choincheap an phósta, naisc agus póstaí níor theastaigh uainn díreach aon ghúna bán amháin eile a chruthú. Sin ráite theastaigh uainn fós seaníomhá an phósta atá bunaithe ar phósadh agus ar ghrá a chur in iúl. Céim ar chéim sníomhann Gillín Sneachta agus an dath dearg a úsáidimid, siombalachas an ghrá tríd an saothar leis an dath dearg.

Shocraíomar ar Go Deo na nDeor a thabhairt ar an ngúna. Is solas ó laindéar mar chrobhaing in úsáid againn chun an tslí a nochtadh, cuirtear an coincheap in iúl dúinn go bhfuil saol lán de ghrá mar an síscéal is iontaí ar domhan”.

Go n-éirí an t-ádh libh leis an ngúna gleoite, ealaíonta a chailíní agus cuimhnígí go bhfuil pobal uile na scoile ag caitheamh vótaí ar son bhur ngúna.

Nár lagaí Dia sibh!

Imeachtaí
Meith
06 2018
Scrúduithe Stáit
Lún
28 2018
Bliain 1 istigh
Lún
29 2018
Bliain 2,3,5 agus 6 ag tosú
M.Fómh
03 2018
An Idirbhliain ag tosú Scoile
Déan Teagmháil Linn
 
 
 
Teagmhálacha Scoile
Meánscoil San Nioclás
Rinn Ó gCuanach
Dún Garbhán
Co. Phort Láirge
Eire

058 46 464

Suíomh na Scoile / Location
© 2018 Meánscoil San Nioclás