Comhghairdeachas ó chroí amach le Foireann Iomána faoi 16.5 Mheánscoil
san Nioclás agus le traenálaí na foirne Aonghus Ó Raghnaigh faoin sárbhua
a bhain siad amach i gCraobh na Mumhan, Dé hAoine 16 Nollaig. Is sinne atá
lúcháireach, bródúil agus ríméadach ar son gach uile dhuine díobh agus an bua
sin tuillte go rímhaith acu. Caithfidh go raibh draíocht faoi leith ag roinnt le
beannacht San Nioclás orainn ar an 6 Nollaig mar ní raibh deireadh le
gaibhneoireacht na foirne agus iad ag troid i gcomhair an ghradaim, Seaimpíní
na Mumhan, in aghaidh Scoil na mBráithre Críostaí, Trá Lí i Mala, Co
Chorcaí. Cé go raibh an doineann linn ar an tslí níor chuir sé sin stad le sodar
agus le huchtach na n-iománaithe misniúla s’againne agus cé gur deacair
imreoirí áirithe a roghnú thar a chéile bhí sár-chluiche ag Oisín Ó Ceallaigh
agus Mícheál Ó Cadhla fad is a bhí Caolán Mac Craith agus Jack Lombard an-
tábhachtach, ní amháin i dtaobh na gcúl a scóráil siad féin, ach as ucht na
bpasanna den scoth a thug siad ar shíolraigh cúil eile astu. In ainneoin go raibh
an fhoireann 10 gcúilín chun cúil ag leatham léirigh siad a gcumas sa tslí nár
ghéill siad is nár chaill siad treoir. Ar shéideadh na feadóige deiridh don
réiteoir ba é an scór ná 3-13 do Mheánscoil san Nioclás in aghaidh 4-03 do
Scoil na mBráithre Críostaí, Trá Lí. Bhí sár-chéiliúradh ag an bhfoireann in
Óstán Lawlors ar shroichint bhaile dóibh arís. Ár mórbhuíochas ó chroí le
hAonghus Ó Raghnaigh (traenálaí) agus le Ré Ó Ceallaigh a d’oibrigh go
dian leis an bhfoireann le tamall anois agus le hEoin Ó Murchadha, Dearán Ó
Droma agus Karen Cashman a thaistil leis an bhfoireann agus leis an lucht
leanúna ar an lá. Is tá ardmholadh tuillte ag na daltaí ar fad ó Bhliain 1, 2 agus
3 a thaistil chun tacaíocht a thabhairt don fhoireann sa Chraobh. Is léir gur
chuir bhur spriod mórchroíoch go mór leis an mbua. Go mbeirimid beo ag an
am seo arís!