Ceannairí na dTeicneolaíochtaí Digiteacha….
Tá clár Ceannairí na dTeicneolaíochtaí Digiteacha faoi bhrat BOO faoi lánseol sa Mheánscoil anois agus sárobair curtha isteach sa chlár ag Sinéad Ní Fhathaigh atá i mbun na scéime sa scoil. Sa chlár seo ainmnítear daltaí a léiríonn an-inniúlacht sna Teicneolaíochtaí Digiteacha is cuirtear oiliúint faoi leith orthu. Ansin tar éis dóibh féin agus dá dtuismitheoirí conradh a shíniú téann siad i mbun oibre ag tacú le daltaí agus le foireann na scoile leis an teicneolaíocht. Táimid an-mhórálach ar fad as na Ceannairí atá tagtha chun cinn i ngach aon bhliain agus beimid ag súil le bheith ag obair leo agus ag foghlaim uathu sna míonna atá romhainn amach. Go n-éirí go geal leo.