Tréaslaíonn pobal uile Mheánscoil San Nioclás le Neasa Nic Íomhair, dalta Idirbhliana ar bronnadh Gradam ‘An tImreoir is Fearr i gCluiche Ceannais na hÉireann, Peil na mBan faoi 16’ uirthi le déanaí. Is laoch spóirt den scoth í Neasa a chuireann a croí is a hanam i ngach a ndéanann sí agus tá ríméad orainn ar a son agus sinn fíorbhródúil aisti. Tá an gradam sin tuillte go rímhaith aici. Níl fir óga na hIdirbhliana ár bhfágaint ar an trá fholamh ó thaobh éachtaí spóirt de ach comh beag. Comhghairdeachas ó chroí le Mark Blackwell atá mar chuairteoir san Idirbhliain i mbliana agus ionadaíocht den scoth curtha isteach aige mar ambasadóir na Meánscoile i gcúrsaí lúthchleasaíochta. Bhain sé áit amach i gCraobh na Mumhan le déanaí i rásaíocht trastíre na mbuachaillí (Idirmheánach) agus d’éirigh go rímhaith leis i gCraobh na Mumhan a bhí ar siúl i nDroichead an Chláir, Co an Chláir.
Treise libh a Neasa agus a Mark agus go maire sibh beirt bhur mbua!