Ba ar Ionad Eachtraíochta Chaisleán Uí Chomair, Co Chill Chainnigh a bhí triail na ndaltaí ón Dara Bliain ar an 14 Samhain chun dul i mbun cluichí foirne. In ainneoin an phluda agus na doininne agus tar éis dóibh mochéirí a chur díobh bhí ardlá acu agus daoine á moladh as an sprid agus an dea-iompar a léirigh siad ó thús deireadh. D’éirigh thar barr leo agus iad ag obair as lámha a chéile chun crann tabhaill nó catapult a thógaint agus é a scaoileadh suas san aer agus nach rompusan a bhí an dúshlán ollmhór ag iarraidh siúl mar fhoireann sa phluda ceangailte le chéile agus a gcosa snadhmaithe ar dhá phíosa adhmaid. Mairfidh an cuimhne gan aon dabht agus ár mbuíochas le Katie Ní Annáin agus le Neil Ó Diarmada a chuaigh ina dteannta don lá.