Meánscoil San Nioclás

Seó Bóthair

Daltaí Bhliain 6 i mbun ceardlainne Seó Bóthair le hEve Ní Bhraoin, Conradh na Gaeilge
18-Nollaig-19
Seó Bóthair

Tháinig Eve Ní Bhraoin ó Chonradh na Gaeilge ar cuairt chun na Meánscoile ar an 19 Samhain agus chuir sí dhá cheardlann den Seó Bóthair i láthair dhaltaí Bhliain 5 & 6 agus ansin daltaí na hIdirbhliana. Cuireann an Seó Bóthair na rannpháirtithe ag ceistiú a ndearcadh agus a dtuairimí féin maidir leis an nGaeilge agus leagann sé béim ar an ról tábhachtach atá ag gach duine i gcaomhnú na teanga. Léirítear do chách go bhfuil Cearta Teanga againne agus moladh dúinn ár gcearta a éileamh agus a chosaint. Cuireann an Seó Bóthar go mór le feasacht teanga na rannpháirtithe agus bhí sé sin thar a bheith suntasach sa phlé a lean an cheardlann. Léiríodh do na daltaí a bhfuil de dheiseanna fostaíochta ar fáil in earnáil na Gaeilge agus in earnálacha eile do dhaoine a bhfuil Gaeilge liofa acu. Lón mór machnaimh a fágadh leis na daltaí tar éis don Seó Bóthair sinn a fhágaint ach ba í tuairim dhaingean na ndaltaí ná gurbh fhiú go mór an Seó Bóthair. Míle buíochas le hEve Ní Bhraoin a d’eagraigh an chuairt dúinn agus a chuir an Seó inár láthair le fuinneamh agus le brí.

Imeachtaí
Már
10 2020
Seachtain na Gaeilge
Már
17 2020
Lá Fhéile Pádraig
Aib
03 2020
Saoire na Cásca
Bealt
04 2020
Saoire Banc
17-Feabh-2020
Aifreann Cuimhneacháin Shéamuis Uí Chadhain 14 Feabhra 2020
Déan Teagmháil Linn
 
 
 
Teagmhálacha Scoile
Meánscoil San Nioclás
Rinn Ó gCuanach
Dún Garbhán
Co. Phort Láirge
Eire

058 46 464

Suíomh na Scoile / Location
© 2020 Meánscoil San Nioclás